خاص بطلاب التعليم المفتوح

 #خاص_بطلاب_التعليم_المفتوح

بالنسبة للطلبة اللى طلبت مننا طريقة عمل وكتابة البحث بالطريقة البحثية و العلمية الصحيحة ، وبطريقة مبسطة ؛ من خلال البوست دا هنسهل عليكم الموضوع جدآ بإذن الله ، واللى هيقف معاه حاجه بعدها او حابب يستفسر عن اى شئ بخصوص الأبحاث يقدر يتواصل معانا من خلال الارقام الخاصة ب الأكاديمية ❤️

مقدم من : أكاديمية القائد🌹

_ بدايةً بعد ما الموضوعات ما نزلت من المركز كل طالب بيبداء يختار الموضوع المناسب ليه واللى هيقدر يكتب فية من الموضوعات الخمسة اللى نازلة لكل ماده "موضوع واحد فقط" وزى ما اتفقنا انا بختاره على اساس فهمى للموضوع ؛ بعد كدا طبعآ ببداء اطلع على كتاب الدكتور وابحث عن الموضوع دا واشوف الدكتور كاتب فيه ازاى ، "وللعلم عشان الطلبه اللى معندهاش خلفيه" ...

_ الموضوعات الخاصة بكل ماده الدكتور بيكون كاتبها من الكتاب يعنى هى جزء منه مش حاجه خارج المنهج ولا المقرر .. بس انا حبيت اوضح النقطه دى عشان الناس تكون عندها خلفية ؛ بعد كدا ببداء اعمل للموضوع اللى انا اختارته دا عناصر ، طيب اللى مش عارف يعنى ايه عناصر ولا خطة بحث ؛ ببساطه بعتبر إن الموضوع اللى انا اختارته دا سؤال ، وطبيعى اى سؤال لما بجاوب عليه بيكون ليه عناصر .. العناصر دى هتكون خطة البحث بتاعتى ،

_ والمرحله اللى بعد كدا ببداء اجمع المصادر اللى هكتب منها البحث بتاعى وطبعآ شرط لا تقل عدد المصادر او المراجع عن 5 ودى بطلع عليهم من المصادر الاتية :

أولاً : بنك المعرفة المصرى :

https://www.ekb.eg/home

ثانياً : مركز المعرفة الرقمى :

https://ddl.ae

ثالثاً : المكتبة الرقمية العربية 

http://kadl.sa

وطبعاً المرجع الاساسى ليا بيكون كتاب الدكتور

☆ وبعد ما اجهز الاجزاء بتاعتى اللى هكتب منها البحث ؛ "بكتبهم الاول فى ورق خارجى" ، "وانثقهم وكل عنصر من عناصر البحث بتاعى ببداء اكتب الشرح بتاعه وبعد ما أكتب الموضوع كامل فى ورق خارجى بكتب "مقدمه للموضوع" اللى انا كتبت فية وبقول فيها انا هتكلم عن اية وبإختصار ، "والمقدمه بتاعتى بتكون مبنية على 

1_أهمية الموضوع 

2_ إشكالية الموضوع

3_ الاهداف بتاعته

_ وطبعآ دا مبيتعداش الصفحتين وبنراعى النقاط الهامه دى وانا بكتب البحث :

1_ عدم الاقتباس ... "بمعنى إن المعلومة اللى هكتبها من اى كتاب لازم أكتبها بفهم وبإسلوب مختلف عن الكتب"... 

《يعنى اتجنب النقل الحرفى》 .

2_ اراعى فى كتابتى للبحث الأمانة العلمية ..

 " يعنى الجزء اللى انا كتبت منه البحث لازم أكتب فى الهامش إنى كتبت الجزء دا من كتاب د. اسامه المليجي مثلآ ، وأكتب رقم الصفحه ودار النشر وكل البيانات اللى مكتوبة ع غلاف الكتاب ، وهكذا فى كل البحث . 

☆ ، 《ولازم نعرف إن كل اللى بنعمله دا من اساسيات البحث العلمى》

 _ وقبول البحث بتاعى هيتوقف علية ، وبعد كدا ببداء أكتب البحث بتاعى على برنامج word سواء على الموبيل او على الجهاز ، وبيكون بالترتيب الأتى : 

الصفحه الاولى : ودى بيكون فيها بيانات الطالب وموضوع البحث اللى هكتب فيه . 

الصفحه التانية : بكتب فيها خطة البحث بتاعى . 

الصفحة التالتة : بكتب فيها المقدمه . 

وبعد كدا ببداء فى كتابة البحث وكل عنصر ببداء اكتب الشرح بتاعه ، 

_بس لازم اراعى إن صفحات البحث متقلش عن ١٠ صفحات وماتزدش عن ١٥ صفحه بدايةً من المقدمة وحتى قائمة المراجع ، ودا بناء على كلام المركز . 

 ، وطبعاً بعد ما اخلص كتابة البحث بتاعى بيكون فى خاتمة للبحث

 والخاتمة دى بتكون مبنية على :

1_ أهم النتائج ( اللي توصلت ليها فى كتابتى للبحث)

2_ التوصيات ( اللى بوصى بيها المشرع والقارئ )

، والصفحة اللى بعد كدا بتكون المراجع ودى بكتب فيها المراجع كاملة اللى انا كتبت منها البحث ،... "كل الكتب وبأسماء الدكاترة وبالترتيب الابجدى" ، 

والصفحة الأخيرة بتكون الفهرس .

، وبعد كدا بحول البحث ل pdf ، وبكدا يكون جاهز للتسليم.

"نقطه هامه جدآ لازم اخد بالى منها " تسمية الملف بتكون بكود المادة ورقم التسجيل وبفصل مابنهم ب ( _ )....  ؛ مثال كود الماده 45678 ورقم التسجيل 78997 ، يبقا شكل ال pdf هيكون كالتالى pdf.45679_7899

ودى نقطة مهمه جدآ وممكن تكون سبب فى إن بحثك ميوصلش للمركز ، وهنزلكم ايضآ قبل ميعاد التسليم صورة لشكل ال pdf  من الخارج . 

وفى النهاية اللى حابب يستفسر عن اى حاجه يقدر يتواصل معانا فى اى وقت  على الارقام الخاصه بالاكاديمية 

مع تمنياتى لكم بالنجاح والتوفيق 

■☆ محمد عطا ☆■ 

ودا لينك جروب الواتساب

https://chat.whatsapp.com/Kjo894XDnayIYl7Vrbsngs

01092323866 & 01271424879 & 01117596163 

#أكاديمية_القائد_حقوق_بالقاهرة