القانون التجاري

 النهارده ميعادنا مع ثالث ماده وهي (القانون التجاري)واللي بيتكون من اربع أجزاء😬👇🏻

✨الجزء الأول ✨👇🏻

وبيتكلم عن الأوراق التجارية

✨الجزء الثانى✨

ودا خاص بالافلاس.

✨الجزء الثالث✨

عمليات البنوك.

✨الجزء الرابع✨

العقود التجاريه.

هناخد صوره بسيطة لكل جزء

والنهارده هنتناول الأوراق التجاريه ودا نظرا لطول البوست. 

مقدم من : أكاديمية القائد

ومعاكم دلوقتى د. هنا شعبان محاضرة أكاديمية القائد

😉يلا بينا🤭👇🏻

 ❄️الجزء الخاص بـ

الأوراق التجاريه

عشان التجاره بتتميز  بالسرعة كان لازم يكون الشخص اللي بيشتغل بالتجارة معاه سيولة ماليه كبيره اغلب الاوقات لتسهيل الصفقات التجارية وتسهيل عملها ؛ فالمشرع استبدل النقود بمجموعه أوراق تجاريه 😉

عارفه انك بتسأل دلوقتي👇🏻😂

هو يعني ايه أوراق تجاريه اصلا؟🤔 واية الهدف منها ؟ وإيه اشكالها🤔؟؟

تعالي نشوف😉👇🏻

الأوراق التجاريه  دي👈🏻نموذج مطبوع بشكل معين(صك) وفيه شوية بيانات مرتبة حددها القانون 

••✨طيب هي البيانات دي ايه الهدف منها يادكتور؟

الهدف منها التزام شخص بدفع مبلغ معين في وقت محدد .

والأوراق التجاريه دي ممكن نستخدمها في انك تنقل قيمه التزام(مبلغ معين)لشخص تاني ودا عن طريق حاجه اسمها التظهير او من خلال إعطائه الورقة التجاريه بالمناوله اللي هنعرف هو ايه لما نتعمق في الماده . 

طيب و اشكالها؟🤔

الأوراق التجاريه هي (الكمبياله، الشيك ،السند لامر)

كل ورقه من دول بيكون ليها أطراف 👈🏻واحد منهم بيكتبها ويحدد قيمتها ويأمر بدفعها 😬

👈🏻والثاني بيدفع قيمتها 😉

👈🏻اما الثالث هو اللي بيستلم قيمه الورقة او المبلغ المحدد بيها وبتتكتب اصلا لصالحه🤷🏻‍♀️

تعالي ناخد مثال😌👇🏻

الشيك🤓👇🏻

عندنا اطرافه  ثلاثه في البدايه😬

1/ الساحب👈🏻دا الشخص اللي بيكتب الورقة ويحدد قيمتها ويأمر بدفعها ،طيب بيأمر مين هنعرف كمان شويا😂 الساحب .

2/ المسحوب عليه 👈🏻دا اللي الساحب بيامره يدفع المبلغ وهو البنك🤭

3/ المستفيد👈🏻اللي هيستلم المبلغ واللي مكتوب لصالحه الشيك 

يعني ايه😉👇🏻

يعني الساحب بيقول للبنك(المسحوب عليه) ادفع للمستفيد مليون جنيه ووقتها بنكون عندنا فرضين🤦🏻‍♀️

1/البنك يوافق علي الشيك (يعني يقبله) فالمستفيد يصرف الشيك وياخد المليون جنيه.

2/البنك يرفض الشيك فالمستفيد ياخد رفض علي الشيك ويرجع للساحب يرفع عليه دعوي .

هنطلع من اللي قولناه دا بشويه ملحوظات 😉

1/البنك مش طرف في الشيك إلا لو قبل الشيك اما لو رفضه فكدا هو مش طرف فيه يعني👈🏻(المسحوب عليه لا يعتبر طرف في الورقة التجاريه إلا بعد قبولها)😉

2/العلاقة بين الاطراف الموجودة في الشيك

**الساحب دائن للبنك(المسحوب عليه)

**الساحب مدين المستفيد

**المسحوب عليه مدين للساحب وكمان مدين للمستفيد بس بشرط قبوله الشيك 😌

**المستفيد دائن للساحب ودائن للمسحوب عليه بعد قبوله الشيك😉

ودا كان مدخل للاوراق التجاريه ونلتقي في الجزء الثاني🌸

دمتم سالمين🤭♥️

وللإستفسار التواصل واتساب على ارقام الاكاديمية :

01271424879

01117596163

#أكاديمية_القائد_حقوق_القاهرة