السلام عليكم ورحمة الله وبركاته ؛ ازايكم ياشباب عاملين ايه... وكل عام وانتم بخير جميعآ ، وعيد سعيد عليكم يارب 😃 معاكم د. محمد عطا محاضر أكاديمية القائد ، والبوست دا هيكون شامل حاجات كتير مش واضحه بالنسبالكم فى البحث ، وهنوضحهلكم سريعآ بإذن الله :
أولآ: بالنسبه للغه الفرقه الاول مجموعه ( أ ، ب ) هيكتبو البحث ف لغه واحده فقط .. يعني إنجليزي او فرنساوي ... اما مجموعه ( ج ) فهيكتبو في اللغتين ال E وال F ... بس مش فى بحثين = فى بحث واحد ..يعني اللي هيتم إن عندكم 5 موضوعات مطلوب منكم انكم تكتبو الموضوع اللي هتختاروه مره بالانجليزي ومره بالفرنساوي ودا فى نفس البحث ، ودا بناء علي كلام الدكتور ، اما بالنسبة لسنه تالته فهيكتبو في لغه واحده فقط ودا ينطبق ع كل المجموعات .
- طيب الي بيسأل وبيقول هو انا لازم أكتب مقدمه وخاتمه وعناصر للبحث ف اللغه وهكتبها ازاي ؛== لو عرفت تكتب تمام وهتكتب مقدمه عن الماده عمتآ ... اما لو معرفتش ادخل ف الموضوع علطول سواء الترجمه او الموضوعات اللي مطلوبه منك ف اللغتين .
ثانيآ: بالنسبة للبريد الالكتروني ... يقصد بيه ال gmail او ال Yahoo ، وعادي جدآ ممكن تعمل واحد جديد للأبحاث المهم إنه يكون بتاعك ... طيب ايه الهدفه منه = حضرتك لما هتيجي تسلم الابحاث عبر الرابط الخاص بالتسليم هتسجل بيه ، واللي هتسجل بيه يكون نفس اللي انت مسجله ف البيانات بتاعتك ... تمام كدا .
ثالثآ : انا اخترت الموضوع ومش عارف اعمل لية خطه اعملها ازاي == الخطة دي بتكتبها بعد ماتجيب الاجزاء اللي هتتكلم عنها ف الموضوع بتاعك ؛ يعني كل فقره هتكتبها بيكون ليها عنوان ؛ العنوان دا هيكون هو عناصر وخطة البحث .. وانا موضحلكم النقطة دي بطريقة مبسطه جدا ف الفويس اللي موجود ع الجروب وع قناة اليوتيوب ممكن ترجعله ، وقلنا فيه انك بتعتبر الموضوع دا سؤال ، وطبيعي اي سؤال بيكون ليه عناصر اجابه ، وهكذا اي بحث بيكون ليه خطة بنمشي عليها اثناء كتابة البحث .
رابعآ : المقدمه بكتب فيها ايه ، واية الفرق مابنها ومابين التمهيد == المقدمة بتكون مبنية علي:
١- أهمية الموضوع
٢_ إشكالية الموضوع
= طيب يعني ايه الكلام دا ببساطه .. أهمية الموضوع... بتكلم عن أهمية الموضوع اللي كاتب فيه كله بوجه عام وانا كاتب فيه عن ايه بإختصار ، وإشكالية الموضوع بتتكلم فيها عن المشكله اللي انا بكتب البحث بتاعي علشنها وانا بحاول من خلال البحث دا اني اقدم ليها حلول ، وطبعآ الحلول دي بكتبها في الخاتمه اللي هي بتكون منية ع اهم النتائج والتوصيات ، وهوضحهلكم ف اخر البوست وايضآ موجوده ف الفويس بشكل مبسط ....
طيب دا بالنسبه للمقدمه ايه بقا التمهيد دا == التمهيد دا بيكون لعنصر من عناصر خطة البحث يعني مثلا انا كاتب مبحث عن الاقتصاد ببداء امهد ليه واقول سوف اتحدث في هذا المبحث عن أهمية الاقتصاد والعناصر التي تساعدنا ف تطوير الاقتصاد وهذا ف ثلاث مطالب وفرعين .. مثلا يعني واكتب المطلب بتاعى وابداء اشرح... هو دا التمهيد ... وكل دا ف ٧ اسطر مثلآ .. طيب انا ليه بكتب الحاجات دي .. اتفقنا إن البحث العلمي الهدف منه إني انا كا باحث قانوني او باحث ف اي كلية تانية بيكون الهدف من البحث بتاعي دا إن الموضوع اللي بختاره بيكون بيواجه مشكله للمجتمع اللي انا عايش فيه وانا بحاول من خلال بحثي اني اقدم حلول تكون مناسبه وعادله للمجتمع والدوله ... طبعآ دا هنعرفه بشكل اكبر لما ندخل مرحلة الليسانس وربنا يكرمكم وتعملو بحث ماجستير او بحث الدكتوراه ... المهم إني دي اساسيات البحث العلمي .
خامسآ: ببداء ب ايه لما اجي اكتب البحث طبعآ اول حاجه بختار موضوع من اللي الكلية طلبته مني وبعد كدا بعمل لية الخطه ، وبعد كدا بجمع الاجزاء اللي هكتب منها سواء من كتاب الدكتور او من المراجع الاخري ، وطبعآ دا بكتبه الاول ف ورق خارجي ، وبعد كدا بقراء الموضوع بتاعي كويس وببداء انظمه ب اسلوبي وبفهمي وطبعا لازم اراعي انى مكتبش المعلومه زي ما انا جايبها بالظبط ؛ لان د اسمه اقتباس ( النقل الحرفي ) يعني لازم اكتبها بفهم ، ولازم اراعي ايضآ فى كتابتي للموضوع الامانه العلمية ؛ يعني كل جزء بكتبة اقول انا جبته من كتاب مين واكتب اسم الدكتور وكل البيانات اللي موجوده ع غلاف الكتاب اللي انا كتبت منه ، وطبعا كل دا بيتكتب ف المرحله الاول بتفصيل ف الهوامش ، والمرحله الاخيرة اللي هي صفحة المراجع ودي اللي بكتب فيها اسماء الكتب فقط والدكتور .. طيب بعد كدا طبعا بكتب ع ال word وال word دا برنامج بيتكتب من خلاله الابحاث والملازم ، والكتب والرويات ووووو وبطريقة منظمه عشان بس الناس اللي مش عارفه يعني ايه word ، وتقدرو تنزلو البرنامج دا ع الموبيل او ع الكمبيوتر ، طيب بكتب بfont 41 وال font دا اللي هو حجم الخط ودا اللي بكتب بيه البحث كله ما عدا الهوامش بكتبها ب font 12 ، وانا منزلكم بوست كامل عن كيفية التعامل مع الكيبورد ، واي حاجه مش فاهمنها ف ال word ابحثو ع اليوتيوب هتلاقو ليها حل ان شاء الله ، ونقطه كدا بسيطه بمناسبة اننا هنعمل بحث ع اليوتيوب عن المشكله اللي بتواجهنا عشان نلاقي ليها حل ، وهكذا نفس الكلام بينطبق ع البحث العلمي ودا بنقدمه عشان نقدم حلول لموضوعات مختلفه زي مثلا البطاله ، الايجار ، السكن ، واي مشاكل ف القانون او الاسره وع حسب الكلية اللي انت بتدرس فيها بتعملها بحث ؛ يعني ف الطب حاليآ كل الاطباء بيعملو ابحاث عشان يلاقو مصل لفيرس كرونا اللي موجود حاليآ دا ربنا يعافينا جميعآ ويعفو عنا وان شاء الله نلاقي ليه علاج ، وانا بس بحاول اعرفكم يعني ايه بحث والهدف منه ولو فضلت اتكلم كتير طبعآ مش هخلص كلامه عنه لانه حاجه شيقه جدآ ، وبسببه المجتمعات بتتقدم ، واكيد هنتكلم بتفصيل كبير عنه فيما بعد بإذن الله ..
_ ونقطه مهمه بعد مابخلص كتابه ع ال word بحول الملف دا ل pdf ممكن اسيبه word عادي بس الافضل إنه يكون pdf ودا عشان يحافظ ع البحث بتاعك ... طيب بحوله ازاي بيكون موجود عندك فى برنامج ال word اللي بتكتبه علية انك بعد ماتخلص البحث بتحفظة والصيغه بتكون pdf الخاصه بالحفظ ، ونقطه مهم وانا بحفظ الملف لازم احفظه ب رقم الجلوس بتاعي يعني مثلا هيكون :
pdf 12345
دا هيكون شكل الملف بعد ماتحفظة .. طيب دا بالنسبه للفردي لو مجموعه ؛ هيكتبو ارقام الجلوس كلها بداية برقم جلوس قائد المجموعه مثال :
Pdf 1245,1334,1345,4432
وهكذا ...تمام كدا ..
* طيب هو انا لو هعمل مع مجموعه لازم يكونو خمسه لا طبعآ ممكن يكونو اتنين او تلاته او اربعه بحد اقصي 5 اشخاص .. وطبعآ لو مجموعه كل واحد بيكون لية دور .
سادسآ : بالنسبه لتسليم الابحاث هيكون من خلال الرابط اللي موجود ع الموقع الخاص بالكلية وموجود شرح لطريقة تسليم الابحاث وطبعآ الرابط هيتفعل وقت البدء ف تسليم الابحاث ، وهنزلكم توضيح ايضآ .
وبكدا اكون رديت ع معظم الاسئله اللي مش مفهومه او مش واضحه لمعظمكم ، ولو في اي استفسار تاني كلموني طبعآ ... ، وبتمني ليكم التوفيق بإذن الله ، وإن شاء الله كلم تنجحو ،
ودا رابط قناة you tube الخاص بالاكاديمية
https://youtu.be/5qFfi1O8qlw
ودا رابط الموقع واللي هتلاقو عليه رابط تسليم الابحاث والفديو اللي بيوضح الطريقه وكل حاجه خاصه بالكلية تابعوه بإستمرار
https://law.cu.edu.eg/home/artical/337
والسلام عليكم 🌹
د. محمد عطا ... أكاديمية القائد ❤️
01092323866_01271424879
تعليقات
إرسال تعليق