مساء الخير يا شباب🌸
النهارده ميعادنا مع مادة الجنائى وهنبداء بالجزء الاول ▪︎"الإجراءات الجنائية" ؛ مقدم من : 💥 أكاديمية القائد👇🏻 في صوره مبسطه😉
قانون الإجراءات الجنائية أحد اقسام القانون الجنائي واللي بنهتم فيها بعد ظهور جريمه معينه بتحديد كيفية ملاحقة المتهم والتحقيق معاه وتقديمه للمحاكمه وصولا لإصدار الحكم وتنفيذة .
يعني نقدر نقول علي قانون الإجراءات الجنائية هو الشق الإجرائي في القانون الجنائي يعني ايه ؟!👇🏻
يعني قانون الإجراءات الجنائية يستحيل تصور العمل بيه إلا بوقوع جريمة واللي بينشئ عنها دعوي جنائية وكمان ممكن ينشئ عنها دعوي مدنية ودا هنعرف بيحصل ازاي لما نتعمق في الماده.
تعالي نشوف الدعوي الجنائية بتمشي ازاي👇🏻😉
▪︎الدعوي الجنائية بتمر بـ٣مراحل مختلفه :👇🏻
❄️ ▪︎اولآ : مرحلة جمع الاستدلالات👇🏻
والمرحله دي اللي بيقوم بيها مأمور الضبط القضائي ازاي ؟🤔تعالي نشوف👇🏻
▪︎مأمور الضبط القضائي👇🏻
حددهم المشرع بمجموعه أشخاص أعطي ليهم الضبطيه القضائية واللي من ضمنهم (رجال الشرطة)علشان يقدر يقوم بعمله😉بيعمل ايه بقا الضابط في المرحله دي 👇🏻
1/هو أول شخص بينتقل لمكان الجريمه
2/بيجمع التحريات
3/جمع الاستدلالات والأدلة
4/بيقبل الشكاوي .
5/بيتحفظ علي الأشخاص المشتبهه فيهم لحين عرضهم علي النيابة .
لحد هنا دي سلطات ضابط الشرطة ومش من حقه يقوم باي إجراء من إجراءات التحقيق واللي منها (القبض ،التفتيش،المواجهة ،الاستجواب)
وأقصي وقت لتحفظه علي المشتبه فيهم في القسم هو ٢٤ساعه وإلا أصبح متجاوز في سلطاته وكل إجراء هياخده او اخده أصبح باطل لكن خد بالك😉👇🏻
مأمور الضبط القضائي سلطاته بتتسع في حالتين فيقدر يقوم ببعض إجراءات التحقيق زي (القبض ، التفتيش ، الاستجواب) ▪︎الحالتين هما👇🏻
1/❄️لما بيصدر ليه أمر "ندب تحقيق" واللي في الحياه العملية بتسمية ▪︎إذن النيابه
2/❄️ إذا كان المتهم في حالة ▪︎تلبس
هنا ممكن يقبض علي الشخص او يفتشه او يستجوبه بعد كدا
اول ما مأمور الضبط القضائي يخلص مرحلة جمع الاستدلالات ويعمل المحضر بيرسل المتهم مع المحضر للنيابه العامه وهنا تبداء ▪︎المرحله الثانيه👇🏻
✨ ▪︎ثانيآ:مرحله التحقيق الإبتدائي ✨
اللي بيقوم بالمرحلة دي اما النيابة العامة او قاضي التحقيق بس قبل ما النيابة العامة تبداء التحقيق بتشوف من محضر جمع الاستدلالات هل المساله محتاجه تحقيق ولا لا 😉 وهنا بيكون عندنا ▪︎٣ حالات :
1/ لو رأت ان الواقعه مش مهمه ممكن تأمر ▪︎بحفظ الاوراق
2/ لو رأت ان الواقعه مش محتاجه تحقيق وأنها ثابته على المتهم بتحيلها للمحكمه.
3/طيب رأت إن الواقعه محتاجه التحقيق هنا بتبداء النيابة العامة التحقيق وهنا ممكن تحصل حاجه تانية ، النيابة العامة بعد البدء في التحقق ممكن يتضح لها عدم وجود أسباب لرفع الدعوي فتأمر ▪︎بالا وجه لإقامة الدعوي الجنائية
=طيب ولو كان في أسباب رفع الدعوي ؟👈🏻هتكمل عادي التحقيق الإبتدائي واللي هو (القبض، التفتيش ، الاستجواب،الموجهه،واي إجراء تاني ممكن يكشف عن الجريمه)
خد بالك😉👇🏻
=النيابة العامة هنا ▪︎سلطه التحقيق والاتهام
=النيابة العامة ممكن تحتاج اسثناء التحقيق انها تحبس المتهم احتياطيا ودا علشان تكمل التحقيق وتمنع المشتبه فيه من الهروب بس علشان الحبس الاحتياطي هو قيد علي حريه الأفراد وكمان عكس قاعده ▪︎المتهم برئ حتي تثبت إدانته وقانون الإجراءات الجنائيه مش موضوع بس علشان يعاقب الجاني ولكن موجود كمان علشان يثبت براءة البرئ علشان كل دا كان لازم الحبس الاحتياطي يحدد بمدد لا يزيد عنها وإذا تم الزياده عنها يكون الإجراء باطل والإجراءات اللي هتتبني عليه كمان باطله.
▪︎مدد الحبس الاحتياطي👇🏻
=❄️4أيام علي زمة التحقيق من النيابة العامة. بعدها👇🏻
=❄️15يوم علي زمه التحقيق صادرة من قاضي جزئي، بعدها👇🏻
=45يوم علي زمه التحقيق صادرة من محكمه الجنح المستأنفة
▪︎وفي كل الحالات لا يجوز أن تزيد مده الحبس الاحتياطي عن ٦شهور وبعدها بيخلي سبيل المتهم ،وخلي بالك إخلاء السبيل مش معناه براءة ولسه التحقيق مستمر والدعوي زي ماهي😉
✨✨ ▪︎مجموعه ملاحظات خلي بالك منها 😉👇🏻✨✨
1/ النيابة العامة وظيفتها التحقيق في الجرائم وعلشان كدا لازم تفضل مستقله ومحايدة.
2/النيابة العامة هي الأمينة على الدعوي الجنائية وهي اللي بتحركها وتباشرها بنفسها لكن في ▪︎استثناءات👇🏻
=يجوز رفع الدعوي الجنائية من غير النيابه العامة بواسطة (الجنحه المباشرة او الإدعاء المباشر )ودا المضرور من الجريمة بشروط معينة وبتقف حدود سلطاته عند رفع الدعوي وبعد كدا بتباشرها النيابه العامة.
=التصدي من المحكمه ودا في ▪︎حالتين:
❄️جرائم الجلسات.
❄️لو المحكمه أثناء التحقيق اكتشفت متهمين جدد النيابة العامة لم تقم بالتحقيق معهم .
3/في فرق كبير بين الأمر بألا وجه لإقامة الدعوي الجنائية -لأن دا أمر ليه حجية قضائية وبيصدر بعد التحقيق من النيابة العامة- وأمر الحفظ واللي هو أمر إداري صادر قبل البدء في التحقيق.
ــــــــــــــــــــــــــــــــــــــــــــــــ
النيابة العامة زي ماقولنا أنها الوحيدة اللي ليها اختصاص أصيل في رفع الدعوي الجنائية
لكنها عندها بعض ▪︎القيود على رفع او تحريك الدعوي الجنائية👇🏻😉
✨3قيود في بعض الجرائم ✨
1/🌸الشكوي👇🏻
في الجرائم دي لازم النيابة العامة تستني شكوي من المجني عليه علشان تحرك الدعوي الجنائية زي جريمة الزنا لازم الزوج او الزوجه تقدم شكوي ،زي جريمة السرقه بين الأصول والفروع (الاب وابنه ،الزوج والزوجه)،زي كمان جريمة السب والقذف.
2/🌸 الطلب👇🏻
لازم النيابة العامه تحصل علي طلب من الجهة المعنية بتتطلب فيه تحريك الدعوي الجنائية ودا بيكون في جريمة التهرب الضريبي او الجمركي.
3/🌸الاذن👇🏻
النيابة العامة لازم تحصل علي إذن من مجلس الشعب قبل تحريك الدعوي الجنائية ضد عضو من اعضاء البرلمان ،وكذلك القضاه لازم تحصل علي إذن من المجلس الأعلي للقضاء قبل تحريك الدعوي ضدهم.
دي كانت مرحله التحقيق واللي هي تاني مرحله من مراحل الدعوي الجنائية تعالي نشوف المرحله الثالثه والاخيره😉👇🏻
▪︎ثالثا: مرحلة التحقيق النهائي او المحاكمه👇🏻
دي اكبر المراحل واخطرهم
اللي بيقوم بيها قضاه المحكمه مع حضور عضو النيابة العامة والمتهم في قفص الاتهام ووجود دفاعه(المحامي)😉
المحكمه مش بتسلم بكلام النيابة العامة التسليم التام، ولكن بتتركها تقدم الأدلة والمستندات ،وكذلك لاتسلم بكلام الدفاع ولكن تتركه يقدم دفاعه بعد كدا بتوازن بين الاثنين وتحكم حسب رؤيتها واقتناعها😂🤝🏻
المرحله دي بتنتهي بحكم بعد كدا بيتم الطعن عليه إلي أن يصبح بات نهائي ويتم تنفيذه.
▪︎طيب ازاي بتنتهي الدعوي الجنائية👇🏻😉
1/اول حاله قولناها فوق👆🏻وهي صدور الحكم بات.
2/وفاه المتهم.
3/العفو الشامل الصادر من رئيس الجمهورية.
4/الصلح في بعض الجرائم
5/بالتقادم .
وبكدا نكون وضحنا الجزء الأول من الإجراءات الجنائية في صوره مبسطه 😉 وغدآ ميعادنا مع الجزء التانى والاخير ❤️ وللإستفسار واتساب التواصل على الارقام التالية :
01092323866 & 01117596163 & 01271424879
💥 #أكاديمية_القائد_حقوق_القاهرة
تعليقات
إرسال تعليق