💥هام▪︎الخطوات مبسطة جدآ لكل طالب هيقدم فى التربية العسكرية 🌹
▪︎مقدم من : أكاديمية القائد
1_ كل طالب هيقدم لازم يجيب الاول الكود الخاص بية للتسجيل فى الدورة ، ودا بنجيبه من خلا الرابط دا ومكون من ١٤ رقم 👇
٢_ الطالب اللى هيسجل فى التربية العسكرية مينفعش يكون مقدم قبل كدا فى اى دورة سابقة .
٣_ لابد ان يكون الطالب تابع لجامعة القاهرة سواء طالب او خريج .
٤_ لازم كل طالب هيقدم يكون عنده بريد إلكترونى ( gamil ) عشان يفعل الحساب بتاعه اللى هيستخدمه فى التربية العسكرية .
٥_ بعد كدا هننتقل للصفحة الرئيسية الخاصة بالتربية العسكرية من خلال الرابط دا 👇
https://miltraining.cu.edu.eg/
وهنعمل الأتى :
١_ هنعمل حساب لينا على التربية العسكرية عشان نسجل عليها ، وهنعمل الاتى :
☆ هنضغط على زر تسجيل طالب جديد .
☆ بعد كدا يقوم الطالب بإدخال الكود الموحد المكون من ١٤ رقم ، وبعد كدا الموقع تلقائي هيسجلك فى الدورة بالكلية اللى انت فيها .
☆ بعد كدا الطالب هيقوم بإستكمال البيانات المطلوب إدخالها ، ونتأكد من إدخال بريد إلكترونى الخاص بالطالب ويجب ان يكون مفعل لإستخدامة فى تفعيل الحساب .
☆ كلمة المرور (كلمة السر ) يجب ان لا تقل عن ٦ حروف وارقام .
☆ بعد إستكمال التسجيل سيتم إرسال بريد إلكترونى من النظام إلى البريد الالكترونى الذى قام الطالب بالتسجيل به يحتوى على رابط لتفعيل الحساب ،
☆ يقوم الطالب بالضغط على الرابط المرسل بالرساله المرسلة إلى البريد الالكترونى ال (gamil) وسوف تظهر لك رسالة بنجاح تسجيل الحساب .
● بعد كدا الخطوات المتبعة لتسجيل الدخول للطالب :
١_ يقوم الطالب بزيارة الموقع والضغط على زر ( دخول الطالب ) .
٢_ يقوم الطالب بإدخال الكود الموحد الخاص به وكلمة المرور .
٣_ عند إتمام عملية الدخول يقوم النظام بتحويل الطالب إلى الصفحة الخاصة به والتى تحتوى على بياناته المسجلة وبيانات التربية العسكرية .
● بعد كدا الخطوات المتبعة للتسجيل فى الدورات التدريبية متقلقش هانت 😃
١_ بعد إتمام الطالب عملية الدخول إلى الموقع يقوم بالضغط على زر ( تسجيل فى الدورات التدريبية )
٢_ يقوم الطالب ب إختيار الدورة التدريبية المراد التسجيل بها واستكمال البيانات المطلوب إدخالها .
٣_ عند إتمام عملية التسجيل بالدورة يقوم النظام بتحويل الطالب إلى الصفحة الخاصة به والتى سوف يظهر بها قسم البيانات الخاصة بالتربية العسكرية واللى الطالب هيقوم بيها :
١_ الضغط على زر طباعة إستمارة التسجيل الخاصة بالطالب والتى يقوم بإستكمال البيانات الناقصة بعد تحميلها وطباعتها .
٢_ الفترة المسجل بها والتى تحتوى على عنوان الدورة وفترتها .
٣_ الرقم المسلسل الخاص بالطالب فى التربية العسكرية .
واخيرآ ؛ نتيجة التربية العسكرية والتى تظهر بها النتيجة بناء على الاتى :
١_ فى حالة عدم رسب النتيجة تظهر رسالة لم تحدد النتيجة بعد .
٢_ فى حالة تخطى الدورة بنجاح تظهر رسالة ( تم إجتياز الدورة التدريبية بنجاح )
٣_ فى حالة عدم تخطى الدورة بنجاح تظهر رسالة ( لم يتم إجتياز الدورة التدريبة العسكرية )
وفى النهاية لازم نعرف إن البحث هنقدمه فى خلال اول اسبوع من التقديم فى الدورة بعد كدا مش هينفع ، ويجب تحميل ال pdf الخاص بالاسئلة اللى هتيجى ف الامتحان ،
وبالتوفيق والنجاح للجميع ❤️
وللإستفسار عن طريق الواتساب التواصل على الارقام التالية :
01092323866 & 01117596163 & 01271424879
https://t.me/joinchat/Nc6X_0j6PLaaOF8l398JDw
■☆ أكاديمية القائد ☆■
تعليقات
إرسال تعليق