مساء الخير 🌺 ازايكم ياشباب معاكم د. محمد عطا ؛ بداية كدا أنا عارف كويس إن معظم الطلبة فى حيرة كبيرة ، وأعصابكم مشدوده ومش عارفين تعملو اية بسبب الامتحانات اللى ظهرت فجأه دى وكمان دا أخر ترم ليكم ومنكم اللى كان عاوز يقفل فى كل مواد الترم التانى عشان يعلى تقديره ، واللى عاوز يخلى التقدير التراكمى جيد وكان حاطط ف دماغه إنه هيقفل فى مواد الترم التانى ، و ، و ، و ، ومع ذلك ورغم كل الظروف اللى بنمر بيها لازم نيجى على نفسنا وكل واحد ياخد مع نفسه موقف ويتوكل على الله ومايرميش اللوم علي اللى حواليه ، وتحسسوهم إنهم السبب ... أهلك مثلآ او الجامعه ، و ، و ، و ..... محدش لية ذنب فى اللى حصل دا ؛ دا واقع اتفرض على الجميع ، ومع ذلك محدش يقلق الجامعه هتراعى حاجه زى كدا كويس ،
☆ ودلوقتى هنتكلم فى دور كل واحد هيعمل اية وهيتعامل مع المواد ازاى ، وازاى نقدر نقفل المنهج مذاكرة فى الوقت دا ؛ والكلام دا بالنسبة للطالب المتوسط والطالب الابيض 😃 اللى معندوش اى خلفية عن المنهج وبالمناسبة مفيش طالب ممتاز حاليآ ؛ لان معظمنا مكانش بيذاكر فى الفترة السابقة ؛
☆ طيب فى البداية بإذن الله معظم المواد هتكون بابل شيت ؛ يعنى الامتحان هيكون مبنى على الفهم .... طيب فى الحالة دى انا هتعامل مع المادة بطريقتين :
☆ أولآ : هجيب المقرر اللى عندى فى المادة وأقراء قراءة عادية جدآ ( قراءة جرايد ) ؛ عارف إن فى أجزاء مش هتكون مفهومه .. *علم* عليها ✍🏻 وكمل قراءة متقفش عندها ؛ هتقولى طيب انا استفدت اية دلوقتى ، هقولك إنى عاوز بس الذاكرة بتاعتك يعدى عليها المعلومه وعادى من غير فهم ... ؛ دا بالنسبة للمره الاولى .. هتحدد جزء وليكن ٢٠ صفحة وتعمل اللى اتفقنا عليه مش هياخد معاكم وقت لانه قراءة سريعه ..
☆ هنيجي بقا للمرحله التانية : وهنبداء نقراء مرة تانية الجزء اللى حددناه ... هتلاقى نفسك وانت بتقراء فى أجزاء من اللى مكنتش فاهمها بدأت تفهمها ... (اللي انت كنت *معلم* عليها😉) ، وغير كدا هتلاقى المعلومه بدأت تثبت فى دماغك ... ،
☆ المرة التالتة بقا قراءة ؛ هتلاقى نفسك حافظ المعلومة وفاهمها كويس جدآ ، ودا كلام علمى مش هباء وهاتتأكد بنفسك ، 👌
وانا عارف إن المنهج كبير والوقت قليل .. بس بالطريقة دى هتلاقى نفسك قدرت تجمع أكبر قدر من المنهج ... تعالى على نفسك دا اخر ترم ، وبعد ما تعملو كدا فى كل مادة ابدأو حلو إمتحانات ، والسؤال اللى يقف معاكم أكتبوه ف ورقة وابعتهولنا وهتلاقونا معاكم فى اى وقت أنا ودكتورة هنا ،
☆ وإن شاء الله فى المراجعة النهائية عاملين ليكم خطه ممتازة جدآ ايضآ عشان محدش يقل عن الامتياز بأمر الله ... ، وكل اللى عليك دلوقتى إنك تكتب الخطوات اللى قولنا عليها وتبداء تطبقها وكل واحد يكون صادق مع نفسه ،
☆وبإذن الله كل اللى هيعمل كدا مش هيقل عن الامتياز ايآ كان مستواه ... ، وشكرآ ليكم جميعآ وربنا يوفقكم ❤️
#أكاديمية_القائد_حقوق_القاهرة
د.محمد عطا & د. هنا شعبان
01092323866 & 01271424879 & 01117596163
تعليقات
إرسال تعليق