مساء الخير طلاب سنه رابعه حقوق القاهرة😃 النهاردة ميعادنا مع :
✨ الجزء الثالث من القانون التجاري✨
▪︎العقود التجاريه👇🏻
▪︎مقدم من : أكاديمية القائد
لازم تعرف في البدايه ان العقود التجاريه زيها زي العقود العادية (اللي منها عقد البيع والايجار.........😉) بس مختلفه في حاجه صغيره عن العقود العاديه يعني ايه😉👇🏻
يعني ليها أركان وشروط وآثار وبينتج عنها التزامات لكل طرف من أطراف العقد ،طيب ايه بقا الاختلاف ؟🤔
الاختلاف في شويه إجراءات حددها المشرع وخصصها للعقود اللي أطرافها تجار والعقود دي بتكون متصلة بحرفتهم التجاريه🤭(زي مثلا أنه يضمن سرعة التعاقد😉)
▪︎"طيب يعني ايه عقد تجاري " بص يا سيدي 👇🏻
دا عقد بيتم بين طرفين واحد فيهم تاجر او الاتنين تجار والعقد دا بيكون متصل بحرفتهم التجاريه وعلي أساسه بيترتب علي كل واحد فيهم التزام تجاري🤷🏻♀️
وعلشان قولنا فوق ان العقود التجاريه زي العقود العادية فا هى ليها *خصائص* منها
1/✨عقود رضائيه
2/✨عقود معاوضه.
3/✨دعوي العقود التجاريه بتسقط بالتقادم .
4/✨العقود التجاريه فيها طابع التشدد مع المدين.👇🏻
يعني بيكون فيها شروط وضوابط صعبه علي المدين اللي هو التاجر😉
▪︎أشكال العقود التجاريه👇🏻
1/❄️عقد التوريد .
2/❄️عقد البيع التجاري.
3/❄️عقد الرهن التجاري.
4/❄️عقد السمسرة.
5/❄️عقد نقل الأشياء .
6/❄️ عقد نقل الأشخاص.
7/❄️عقد الوكاله التجاريه.
واللي هناخد عن بعضهم فكره دلوقتي 🤭👇🏻
▪︎🌸اولا:عقد التوريد👇🏻
دا عقد بين طرفين واحد فيهم بيلتزم بأنه يقدم شئ بشكل دوري ومنظم للطرف الثاني بس بشرط إن التوريد دا يكون بشكل دوري وليس منقطع ودا لأن عقد التوريد من العقود المستمرة واللي مينفعش فيها الانقطاع لفترة ثم العودة مرة تانية
في عقد التوريد التزامات علي المتعاقدين زي اي عقد واللي منها دفع الثمن والتسليم وحق كل من الطرفين في فسخ العقد لو الطرف الثاني اخل بأحد التزاماته وكمان الحق في طلب التعويض عن الضرر الناتج عن الاخلال دا😌
🌸 ▪︎ثانيا:عقد الرهن التجاري👇🏻
الرهن التجاري هو بالظبط زي الرهن الحيازي واللي درسناه قبل كدا🤭بس الاختلاف بشويه إجراءات علشان نسهل الاحتجاج بيه في مواجهه الغير وكمان نسهل التنفيذ بيه😉
▪︎طيب ازاي بننشاءه👇🏻
لازم يتوافر شروط معينه :
1/انعقاد الرهن 👇🏻
••لازم الطرفين يتفقوا علي اتمام الرهن ودا لأن عقد الرهن التجاري عقد رضائي فمش هنحتاح شكل معين للعقد وهنكتفي ب إن الطرفين إرادتهم تلاقت لإبرام العقد .
••الدين المضمون :
لان الرهن حق عيني *تبعي* فلازم يكون عندنا التزام اصلي في البدايه وعلشانه هنقرر الرهن دا ،والأصل ان الدين المطلوب اللي يقوم بتحديده الأطراف لكن إذا لم يتم تحديده بيكون للقاضي سلطه تقديرية في تحديد هل أراده المتعاقدين اتجهت فعلا وقت ترتيب الرهن لتخصيص المال دا للدين المطلوب ام لا.
بعد كدا هنشوف😉👇🏻
▪︎اثار الرهن التجاري
واللي فيه بيكون الدائن المرتهن ملتزم بالمحافظة علي المال المرهون وكمان ملتزم بضمان قيمه الشئ المرهون لأن ممكن جدا أثناء فتره الرهن قيمه الشئ المرهون تنخفض بسبب انخفاض الأسعار وتصبح قيمه الشئ غير كافية لسداد الدين 🤦🏻♀️
هنا هيلتزم الدائن المرتهن بإعطاء المدين الراهن مده كافية لاستكمال ضمان الدين ،طيب لو المده مرت او المدين رفض فللدائن هنا الحق في التنفيذ علي الشئ المرهون قبل حلول أجل الدين 🤦🏻♀️
طيب ازاي هينفذ دي هنعرفها لما تتعمق في الماده.😉
🌸 ثالثا:عقد السمسرة👇🏻
السمسار : دا شخص بيفضل يدور علي أشخاص عايزة تتعاقد ويحاول يوفر لهم الفرص المناسبة للتعاقد وبعد كدا يقرب وجهات نظر الطرفين الي ان يتم التعاقد. (يعني هو الوسيط تجاري 😉)
ومن خصائص عقد السمسرة
=أنه عقد بيقوم علي عمل مادي مقابل أجر.
=السمسار مستقل
=السمسره من الأعمال التجاريه إذا تم مزاولتها علي سبيل الاحتراف غير كدا هي من عقود الوساطة
وطبعا في التزامات وحقوق للسمسار تجاه المتعاقدين زي اى عقد .
كدا احنا خدنا فكره سريعه عن الجزء الثالث من العقود التجاريه وحاولنا بقدر الإمكان البوست يكون صغير🤭
نتمني لكم التوفيق من الله
دمتم سالمين🌸♥️
وللإستفسار واتساب التواصل على الارقام التالية :
01092323866 & 01117596163 & 01271424879
▪︎وبإذن الله هنبداء خلال الايام القادمه سكاشن المراجعه الاونلاين ❤️
#أكاديمية_القائد_حقوق_القاهرة
تعليقات
إرسال تعليق